ದಾರಿ ತೋರಿ

ಪ್ರಕೃತಿಯ ಸೊಬಗಿನಲಿ
ಕಂದಮ್ಮಗಳು ನಾವಾಗಿ
ಭೂತಾಯ ಮಡಿಲಿನಲಿ
ಹುಟ್ಟಿಹೆವು ನೋವ ನುಂಗಿ

ಅಂಧ ಶ್ರವನದಲಿ ಬುದ್ದಿ ಮಾಂದ್ಯದಲಿ
ದೇಹ ದುರ್ಬಲ ಮೂಕ ಗೂಕದಲಿ
ವಿಕಲಾಂಗ ನಾವಾಗಿ
ಜನಿಸಿಹೆವು ತಾಯ ಗರ್ಭದಲಿ

ಅಜ್ಞಾನ ಬದುಕಿನಲಿ
ಬಡತನದ ಹೊರೆಯಲ್ಲಿ
ಮೂಡ ನಂಬಿಕೆಯ ನಂಬಿ
ಹಡೆದಿಹರು ನಮ್ಮನಿಲ್ಲಿ

ದೈವ ಶಾಪದ ಫಲವೋ
ಯಾವ ಜನ್ಮದ ವಿಧಿಯೊ
ನ್ಯೂನತೆಗಳಾ ಹೊಂದಿ
ಬದುಕ ಬಯಸಿಹೆವು ನಾವಿಲ್ಲಿ

ಅನುಕಂಪ ತೋರದಿರಿ
ವ್ಯಂಗ್ಯ ನೀವ್ ಮಾಡದಿರಿ
ವಿಕಲ ಚೇತನರು ನಾವಿಲ್ಲಿ
ಪ್ರೀತಿ ಆಧಾರದಿ ನೀವು ದಾರಿ ತೋರಿ